Bæjarráð Fjallabyggðar leggst eindregið gegn hugmyndum um að allt laxeldi í sjó verði bannað í Eyjafirði án frekari umræðu og samráðs við sveitarfélög á svæðinu, að því er fram kemur í bókun í fundargerð ráðsins. Kemur bókunin í kjölfar þess að meirihluti bæjarfulltrúa á Akureyri samþykkti bókun þar sem skorað er á sjávarútvegsráðherra að leyfa ekki sjókvíar í firðinum.

Frétt af mbl.is

Ekki full eining um friðun Eyjafjarðar

Þá leggur bæjarráð Fjallabyggðar til að Kristján Þór Júlíusson, sjávarútvegs- og landbúnaðarráðherra, óski nú þegar eftir mati á burðarþoli Eyjafjarðar með tilliti til fiskeldis og að í beinu framhaldi verði unnið áhættumat fyrir erfðablöndun vegna mögulegs fiskeldis í Eyjafirði.

„Með uppbyggingu undanfarinna ára hefur laxeldi í sjó haslað sér völl sem mikilvæg atvinnugrein á Íslandi um leið og í ljós hafa komið miklir möguleikar til frekari þróunar greinarinnar,“ segir í bókuninni.

„En á sama tíma og ljóst er að miklir möguleikar eru til þróunar og vaxtar greinarinnar þá er einnig ljóst að varlega þarf að stíga til jarðar. Gæta þarf að áhrifum, jákvæðum sem neikvæðum, á náttúru og hugsanlegum áhrifum á aðrar atvinnugreinar sem og samfélög í heild. Því telur bæjarráð nauðsynlegt að gaumgæfa allar hliðar máls og að það sé best gert með öflugu samtali og samráði allra sveitarfélaga við Eyjafjörð með þátttöku íbúa og þekkingarsamfélags.“

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir

• Blogga um frétt