Hvorki skipstjórnarmenn né vélstjórar á Herjólfi munu ganga í störf háseta og þerna á meðan verkfallsaðgerðum félagsmanna í Sjómannafélagi Íslands stendur, að því er fram kemur í sameiginlegri yfirlýsingu Félags skipstjórnarmanna og Félags vélstjóra og málmtæknimanna. 

„Það er grunnkrafa launafólks að fá að semja um sín kjör og beita verkfallsvopninu ef það þarf. Það er öllum ljóst sem þekkja til að á meðan á verkfalli stendur hjá hásetum og þernum mun skipið ekki sigla.“

Félagsmenn í Sjómannafélagi Íslands sem vinna hjá Herjólfi lögðu niður störf í einn sólarhring í gær vegna kjaradeilu félagsins og Herjólfs ohf. Frekari vinnustöðvanir eru fyrirhugaðar en skipið siglir ótruflað í dag. 

Tengdar fréttir

Kjaramál sjómanna

SVG og VM samþykktu samninginn

• Segir samninganefnd vélstjóra sniðgengna
• Felur í sér styttri vinnuviku og aukið mótframlag
• Vélstjórar undirrituðu samning við SFS
• „Ekki kjörstaða að vera í“

» Fleiri tengdar fréttir

• Blogga um frétt