6.000 tonn af makríl frá 12. júní

Fiskvinnsla Vinnslustöðvarinnar í Vestmannaeyjum hefur tekið við  sex þúsund tonnum af makríl frá 12. júní að því er segir í færslu á vef fyrirtækisins. Veðurfarið undanfarið hefur skapað kjöraðstæður fyrir makrílveiðar suður af Eyjum, að sögn Guðmundar Hugins, Guðmundssonar, skipstjóra á Hugin.

„Makrílvertíðin hefur verið sveiflukennd en í heildina tekið gengur hún samkvæmt áætlun. Við höfum tekið við um 6.000 tonnum til vinnslu frá og með fyrstu löndun 12. júní,“ segir Sindri Viðarsson, sviðsstjóri uppsjávarsviðs Vinnslustöðvarinnar.

Ljósmynd/Vinnslustöðin

Sindri segir makrílvertíðina hafa byrjað vel, en svo dró aðeins úr. Þá hafi komið meiri kraftur undanfarna sólarhringa og bendir hann á að landað hafi verið úr Hugin á mánudag svo úr Kap í gær og að lokum úr Ísleifi.

Huginn og Kap eru nú á miðunum suður af Vestmannaeyjum.

• Blogga um frétt