Farþegar í Herjólfi virtu ekki grímuskyldu sem nú er í gildi um borð í skipinu. Kona sem sigldi með ferjunni kl 17:00 í gær sendi mbl.is myndir af farþegum um borð sem báru andlitsgrímu en höfðu dregið hana niður fyrir höku svo vit þeirra voru ekki hulin. Konan segist hafa gert áhöfn viðvart en að hún hafi ekki aðhafst í málinu.

Guðbjartur Ellert Jónsson, framkvæmdastjóri Herjólfs, segir í samtali við mbl.is að hann hafi frétt af málinu. Hann segir að gerð sé skýlaus krafa um að bæði áhöfn og farþegar beri grímu um borð. „Ferðin tekur ekki langan tíma og því ættu allir að geta virt þessar reglur. Við þurfum öll að aðlaga okkur að nýjum aðstæðum og við verðum að standa saman.“ Hann segir jafnframt að gerðar hafi verið ráðstafanir í kjölfarið á þessu atviki og nú komist enginn upp með að bera ekki andlitsgrímu.

Frétt af mbl.is

Grímuskylda í Herjólfi

Þar sem Þjóðhátíð í Vestmannaeyjum var aflýst þetta árið vegna kórónuveirunnar flutti Herjólfur mun færri farþega um verslunarmannahelgina en ella. „Þetta er auðvitað okkar stærsti mánuður og það er gríðarlega erfitt að missa þessa þjóðhátíðartörn,“ Aðspurður segir hann tekjutapið mikið.

Þrátt fyrir þetta segir Guðbjartur góðan anda ríkja um borð í Herjólfi. „Við vinnum bara saman að því að láta þessar aðstæður ekki á okkur fá. Það verður gaman að geta komist aftur á fullt þegar við náum tökum á þessari veiru. Þangað til verðum við bara að fara eftir reglum og standa saman,“ segir hann bjartsýnn.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt