Samningafundi lokið og annar boðaður
Setja bókamerki
„Við ætlum að hittast aftur á þriðjudaginn og þangað til ætlum við að skiptast á gögnum,“ segir Jónas Garðarsson, formaður samninganefndar Sjómannafélags Íslands, í samtali við mbl.is Samninganefndir Herjólfs ohf. og Sjómannafélagsins funduðu í kjaradeilu skipverja Herjólfs í morgun eftir hlé.
Viðræður áttu að hefjast 23. júlí en var frestað fram yfir verslunarmannahelgi. Samkomulag hefur þó náðst um viðræðuáætlun og inniheldur hún meðal annars umræður um starflýsingu þerna og háseta, starfsaldurhækkanir og launahækkanir miðað við lífskjarasamninginn. Þá er stefnt að því að koma á hvíldaráætlun í samræmi við alþjóðalög.
Stefnt var að því að viðræðum verði lokið fyrir mánudaginn 17. ágúst en næsti fundur verður eins og áður segir á þriðjudaginn 18. ágúst.
„Maður veit aldrei neitt um það – það verður bara að koma í ljós,“ segir Jónas spurður að því hvort að aðilar hafi þokast nær samkomulagi á fundinum í morgun.
Íslendingar ein mest einmana þjóð heims
Myndskeið: „Fólk var komið ískyggilega nálægt“
Segir nýtt frumvarp gefa eldisfyrirtækjum auðlindir
„Þetta er pínu óvanaleg staða“
Baldur: „Ég ætla að svara þessu kalli“
Átta morðmál á aðeins tólf mánuðum
Mest spennandi kosningar í áratugi
„Þetta náttúrulega endar með ósköpum“