Síldarstemningin önnur í Neskaupstað

Síldarstemmningin í Neskaupstað hefur breyst, er kemur fram í grein sem birtur er vefsíðu Síldarvinnslunnar.

Áður fyrr voru síldarskipin fjölmörg og gat hvert skip tekið takmarkaðan afla, en nú eru þau fá en burðarmikil og vel útbúin til veiðanna.  Þá leituðu síldarbátar til hafnar og safnaðist þá mikill fjöldi saman í helstu höfnum síldarveiðistaðanna.

Á síldarárunum svokölluðu – á sjötta og sjöunda áratug síðustu aldar – voru söltunarstöðvarnar einnig margar. Sex slíkar stöðvar voru í Neskaupsstað þegar þær voru sem flestar.

Ljósmynd/Síldarvinnslan

„Lengi vel var síldin söltuð undir berum himni og var söltunin sannarlega vinnuaflsfrek. Drjúgur hluti síldarinnar sem veiddist fór til mjöl- og lýsisframleiðslu og á síldarárunum fór ekkert á milli mála hvenær slík vinnsla fór fram – reykjarmökkurinn frá síldarverksmiðjunum einkenndi alla helstu síldarstaðina,” segir í greininni.

Í dag, hinsvegar, er einungis eitt fyrirtæki sem tekur á móti síld til vinnslu á hverjum síldarstað.

Nánar á vef Síldarvinnslunnar. 

• Blogga um frétt