Umdæmislæknir sóttvarna á Vestfjörðum óskaði eftir því að frystitogaranum Júlíusi Geirmundssyni ÍS yrði snúið til hafnar þegar grunur vaknaði um kórónuveirusmit um borð. Þessi beiðni var ítrekuð en útgerðarfyrirtækið Hraðfrystihúsið Gunnvör hafnaði þessum beiðnum.

Þetta er meðal þess sem fram kemur í yfirlýsingu frá stjórn Sjómannasambands Íslands. Þar segir að stjórnin hafi fengið umræddar upplýsingar frá umdæmislækni sóttvarna á Vestfjörðum og að stjórnin líti viðbrögð útgerðarinnar „alvarlegum augum þar sem ekki dylst nokkrum manni að farsótt geisar í landinu“.

Frétt af mbl.is

Segir áhöfninni hafa verið stefnt í hættu

Bent er á að bæði samtök sjómanna og útgerðarmanna hafi sent í byrjun faraldursins út tilmæli til útgerða og sjómanna um hvernig ætti að bregðast við kæmu upp veikindi um borð. „Þau voru og eru alveg skýr. Útgerðin virðist hafa hunsað þessi tilmæli með öllu og hélt skipinu til veiða þrátt fyrir að skipverjar veiktust hver af öðrum.“

Þá telur stjórn Sjómannasambandsins útgerðina hafa lagt áherslu á eigin fjárhagslegan ávinning í stað heilsu áhafnarinnar. „Sjómannasamband Íslands fordæmir þá lítilsvirðingu sem útgerðin sýndi áhöfn skipsins með því að halda áfram veiðum þrátt fyrir mikil veikindi um borð,“ segir í yfirlýsingunni.

Yfirlýsing Sjómannasambands Íslands

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

Covid-veikir skipverjar á Júlíusi Geirmundssyni

Skipstjóri sakfelldur vegna Covid-smits skipverja

• Segir óhugsandi að útgerðin hafi ekki ráðið för
• Sviptur skipstjóri á Júlíusi ráðinn stýrimaður
• Ekki ljóst hvort allir nái heilsu á ný
• Skipstjórinn sviptur réttindum í fjóra mánuði

» Fleiri tengdar fréttir

• Blogga um frétt