Áhöfnin á Tý kölluð út til að mæta þyrluleysi
Setja bókamerki
Tengdar fréttir
Kjaraviðræður
Áhöfnin á varðskipinu Tý var kölluð út í morgun og mun skipið halda til sjós um kvöldmatarleyti í kvöld. Fram kemur í tilkynningu frá Landhelgisgæslunni að tilgangur útkallsins sé að hafa tvö skip á sjó svo hægt sé að tryggja betur öryggi til sjós „þar sem engin björgunarþyrla eða flugvél er tiltæk vegna verkfalls flugvirkja.“
Þá segir að varðskipið Þór er við eftirlit norður af landinu og til stendur að Týr sigli til Vestmannaeyja og verði til taks á suðvestanverðum Íslandsmiðum. „Um borð í hvoru varðskipi er 18 manna áhöfn sem er sérþjálfuð til björgunarstarfa. Gert er ráð fyrir að varðskipið Týr verði til taks á meðan skert viðbragð er úr lofti.“
Bent er á að um miðjan dag hafi verið rúmlega 200 skip og bátar í kerfum stjórnstöðvar Landhelgisgæslunnar, þar af 89 íslensk. „Afar brýnt þykir að auka viðbragðið á sjó vegna þeirrar stöðu sem uppi er og því verða tvö varðskip, Þór og Týr, til taks ef á þarf að halda næstu daga.“
Einnig er séraðgerðasveit Landhelgisgæslunnar í viðbragðsstöðu. „Varnarmálasvið Landhelgisgæslunnar mun tryggja yfirsýn yfir staðsetningu allra erlendra ríkisfara við Ísland, bæði skipa og flugvéla, sem hugsanlegt væri að nýta við leit og björgun ef á þyrfti að halda.“
Tengdar fréttir
Kjaraviðræður
Vona að Orkustofnun veiti ekki virkjunarleyfi
Eyjafjarðarbraut lokað vegna alvarlegs umferðarslyss
„Það þarf að vinna mikinn fjölda upp“
„Á réttri leið en nokkuð í land ennþá“
Vélsleðaslys: Þyrlan kölluð út á mesta forgangi
Veiting hvalveiðileyfis ekki brot á EES-samningi
Skiptir miklu meira máli en fólk grunar