Umhverfisstofnun hefur veitt Stolt Sea Farm leyfi til innflutnings á tíu þúsund seiðum gullinrafa (Seriola dumerili) til notkunar í tilraunaeldi í eldisstöð í Reykjanesbæ.

Þar hyggst félagið hefja tilraunarækt á tegundinni með hámarkslífmassa 30 tonn, eins og áður hefur verið greint frá í Morgunblaðinu. Gullinrafi er hraðvaxta og er fyrirhugað að flytja inn seiði nú í vor frá eldisstöð á Spáni.

Rakið er í greinargerð með leyfisveitingunni að í gögnum með umsókninni komi fram að tilraunaeldið muni fara fram í lokuðum kerum á landi og því sé nær útilokað að tegundin geti sloppið út. Umrædd tegund sé ekki þekkt fyrir að vera ágeng, hvorki í sínum náttúrulegu útbreiðslusvæðum né utan þeirra. Nær útilokað sé að viðkomandi tegund geti lifað af í sjónum við Ísland þar sem hitastig sjávar hér sé um 10°C lægra en tegundin þurfi til að geta þrifist. Þróunarfræðilega séð eigi tegundin sér aðeins fjarskylda ættingja hér við land og því sé enginn möguleiki talinn á kynblöndun við aðrar tegundir, að því er fram kemur í Morgunblaðinu í dag.

Tengdar fréttir

Fiskeldi

„Margt hefur nú ekki beinlínis verið til fyrirmyndar“

• Segir nýtt frumvarp gefa eldisfyrirtækjum auðlindir
• Laxey fær sex milljarða
• Fjárfestingin 115 milljarðar króna
• Bátur Arnarlax verður fyrsti sinnar tegundar

» Fleiri tengdar fréttir