Svandís hyggst ekki auka strandveiðikvóta

Svandís Svavarsdóttir, sjávarútvegs- og landbúnaðarráðherra, kveðst ekki ætla að auka …
Svandís Svavarsdóttir, sjávarútvegs- og landbúnaðarráðherra, kveðst ekki ætla að auka heimildir til strandveiða að sinni þar sem lítill sveigjanleiki sé til staðar eftir að veiðiráðgjöf fyrir þorsk var lækkuð. mbl.is/Eggert Jóhannesson

Svandís Svavarsdóttir, sjávarútvegs- og landbúnaðarráðherra, telur ekki ástæðu til að verða við kröfum Landssambands smábátaeigenda um að auka við þær aflaheimildir sem ætlað er strandveiðum þar sem slíkt muni ganga gegn vísindalegri ráðgjöf um veiðar, en veiðiráðgjöf fyrir þorsk var lækkað fyrir yfirstandandi fiskveiðiár.

Þetta kemur fram í svari Svandísar við fyrirspurn 200 mílna vegna óánægju Landssambands smábátaeigenda með skerðingu strandveiðikvótans um 1.500 tonn.

Atvinnu- og byggðakvóti hefur þurft að sæta skerðingum eins og aflaheimildir annarra veiða og ákvað Svandís í desember að skerða heimildir til strandveiða og almenns byggðakvóta, en í staðinn halda aflaheimildum skel- og rækjubótum, byggðakvóta Byggðastofnunar, heimildum frístundaveiða og línuívilnun óskertum.

Óhjákvæmilegt að bregðast við

„Skerðingin byggir á vísindalegri ráðgjöf Hafrannsóknarstofnunar en vísindaleg ráðgjöf um hámarksafla er hornsteinn íslenska fiskveiðistjórnunarkerfisins,“ segir í skriflegu svari Svandísar sem kveðst ekki hafa átt annarra kosta völ.

„Í ljósi þess að veiðiráðgjöf í þorski var lækkuð umtalsvert síðasta sumar, stefndi í að úthlutun aflaheimilda færi umfram leyfilegan heildarafla. Tilboðsmarkaðir í loðnu stóðu auk þess ekki undir væntingum að þessu sinni. Óhjákvæmilegt var að bregðast við til þess að ráðstöfun færi ekki umfram vísindalega ráðgjöf,“ útskýrir hún.

„Ég stóð frammi fyrir því að ekki var hægt að lækka ráðstöfun í rækju- og skelbætur ásamt sérstökum byggðakvóta þar sem þeim hafði verið úthlutað á skip í upphaf yfirstandandi fiskveiðiárs. Loks var það mat sérfræðinga ráðuneytisins að lækkun á línuívilnun og frístundaveiði myndi skila óverulegum árangri í þessu samhengi. Þá stóðu eftir tveir pottar, strandveiðar og almennur byggðakvóti og ljóst að lækka þyrfti ráðstöfun til þeirra þátta.“

Staðan gæti tekið breytingum

Svandís svarar skýrt spurningum um hvort strandveiðikvótinn verði aukinn. „Að sinni tel ég ekki ástæðu til að endurskoða þann afla sem er áætlaður strandveiðum og ganga þar með gegn vísindalegri ráðgjöf.“

„Þó er mikilvægt að hafa í huga að enn á eftir að eiga sér stað tilboðsmarkaður í nokkrum tegundum, t.a.m. kolmunna, þorski úr Barentshafi, makríl og norsk-íslenskri síld. Því mun staðan breytast þegar líður á árið og líklegast að hægt verði að auka ráðstöfun í potta líkt og á síðasta fiskveiðiári,“ segir hún að lokum.

Ráðgjöf Hafrannsóknastofnunar vegna fiskveiðiársins 2021/2022.
Ráðgjöf Hafrannsóknastofnunar vegna fiskveiðiársins 2021/2022. mbl.is
mbl.is
Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Blíðfari ÓF 70 Grásleppunet
Grásleppa 2.961 kg
Þorskur 217 kg
Samtals 3.178 kg
28.3.24 Helga Sæm ÞH 70 Grásleppunet
Grásleppa 4.013 kg
Samtals 4.013 kg
28.3.24 Hafdís Helga EA 51 Grásleppunet
Grásleppa 898 kg
Þorskur 92 kg
Skarkoli 13 kg
Samtals 1.003 kg
28.3.24 Fengur EA 207 Grásleppunet
Grásleppa 1.217 kg
Þorskur 104 kg
Skarkoli 14 kg
Rauðmagi 4 kg
Samtals 1.339 kg

Skoða allar landanir »

Fleira áhugavert
Afurð Dags. Meðalverð
Þorskur, óslægður 27.3.24 401,29 kr/kg
Þorskur, slægður 27.3.24 443,15 kr/kg
Ýsa, óslægð 27.3.24 182,08 kr/kg
Ýsa, slægð 27.3.24 136,03 kr/kg
Ufsi, óslægður 27.3.24 107,02 kr/kg
Ufsi, slægður 27.3.24 189,28 kr/kg
Gullkarfi 27.3.24 143,21 kr/kg
Litli karfi 27.3.24 8,00 kr/kg
Blálanga, óslægð 11.3.24 50,00 kr/kg
Blálanga, slægð 27.3.24 120,00 kr/kg

Fleiri tegundir »

28.3.24 Blíðfari ÓF 70 Grásleppunet
Grásleppa 2.961 kg
Þorskur 217 kg
Samtals 3.178 kg
28.3.24 Helga Sæm ÞH 70 Grásleppunet
Grásleppa 4.013 kg
Samtals 4.013 kg
28.3.24 Hafdís Helga EA 51 Grásleppunet
Grásleppa 898 kg
Þorskur 92 kg
Skarkoli 13 kg
Samtals 1.003 kg
28.3.24 Fengur EA 207 Grásleppunet
Grásleppa 1.217 kg
Þorskur 104 kg
Skarkoli 14 kg
Rauðmagi 4 kg
Samtals 1.339 kg

Skoða allar landanir »