Eigendur Arnarlax og Arctic Fish hyggja á samruna
Setja bókamerki
Tvö stærstu fiskeldisfyrirtækin á Vestfjörðum, Arnarlax og Arctic Fish, verða í eigu sama norska fyrirtækis eftir að eigendur þeirra hafa ákveðið að sameinast. Áætluð framleiðsla fyrirtækjanna á þessu ári nemur samanlagt 26.600 tonnum af eldislaxi.
Norwegian Royal Salmon (NRS), sem er eigandi Arctic Fish, og SalMar, eigandi Arnarlax í gegnum eignarhaldsfélagið Icelandic Salmon, tilkynntu norsku kauphöllinni í dag um áform sín um að sameinast. Þá mun samruninn verða framkvæmdur á þeim grundvelli að SalMar er kaupandi allra hluta í NRS og eru greiddir 0,369 hlutir í SalMar fyrir hvern hlut í NRS.
Samruninn er þó háður nokkrum skilyrðum og má þar nefna að gengið verður frá kaupum NRS á SalmoNor, dótturfélagi SalMAr, og að skilyrðum fyrir tilboði SalMar í hlutafé NTS ASA (eigenda NRS).
„Samningsaðilarnir eiga nokkra hagsmuni í atvinnulífinu sem skarast, bæði í Noregi, á Vestfjörðum á Íslandi og í úthafsrekstri. Sameining aðila gerir kleift að ná verulegum samlegðaráhrifum,“ segir í tilkynningunni. Um áhrifin á Íslandi segir að mikil tækifæri felist í samrunanum til að bæta reksturinn og er meðal annars nefnd sameiginleg uppbygging þjónustu á sjó og á landi, svo sem í sambandi við seiðaeldi, vinnslu og sölu.
Um langt skeið hefur Arnarlax og Arctic Fish átt í samstarfi og mun það því halda áfram. Lengi hefur verið rætt um hugsanlegan samruna fyrirtækjanna. Ekkert liggur þó fyrir í tilkynningunni um samruna reksturs fyrirtækjanna á Vestfjörðum.
Verðbólgan komin niður í 6%
Handteknir eftir myndatöku í Vesturbæjarlaug
„Skýr skilaboð til Seðlabankans“
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
„Okkur miðar í rétta átt“
Kostnaður meiri en milljón á fermetra
Árshátíð ríkislögreglustjóra haldin í Tékklandi