Hrygningarstofninn í hámarki
Setja bókamerki
Tengdar fréttir
Hafrannsóknastofnun
„Stofnvísitala hrygningarþorsks við Ísland hefur verið há frá árinu 2011. Hún hækkar aftur í ár og er í hámarki, eftir lækkun síðustu tvö ár.“
Þetta er meðal þess sem fram kemur í skýrslu netaralls, sem fram fór dagana 27. mars til 21. apríl 2022 og birt hefur verið á vef Hafrannsóknastofnunar.
Fram kemur í skýrslunni um netarallið að hækkun stofnvísitölu megi að mestu rekja til þess að vísitalan hafi hækkað á ný í Breiðafirði og Faxaflóa.
„Vísitalan í Fjörunni hefur einnig farið hækkandi undanfarin ár en minni breytingar eru á öðrum svæðum. Kanturinn sker sig áfram úr og fæst mjög lítið af þorski þar. Lengdardreifing þorsks breytist yfirleitt lítið frá ári til árs og undanfarinn áratug hefur magn stærri en 90 sentímetra fisks verið yfir meðaltali áranna 1996-2022. Í ár fékkst hins vegar mun meira af 70-90 sentímetra þorski en í fyrra.“
Hafrannsóknastofnun lagði 15. júní síðastliðinn til, að aflamark í þorski fyrir fiskveiðiárið 2022/2023 yrði 6% lægra en á yfirstandandi fiskveiðiári, eða 208.846 tonn. Búist var við lækkun, þar sem Hafrannsóknastofnun gaf slíkt til kynna á síðasta ári.
Þá upplýsti stofnunin að þorskstofninn hefði verið ofmetinn í fleiri ár.
„Þetta náttúrulega endar með ósköpum“
Íslendingar ein mest einmana þjóð heims
Áköf mótmæli í bandarískum háskólum
Moses Hightower og Prins Póló gefa út eyjalag
Búið að bólusetja börn alla helgina
Átta morðmál á aðeins tólf mánuðum
Baldur: „Ég ætla að svara þessu kalli“
Myndir: Reynir við heimsmet í Hlíðarfjalli í dag