Drónaeftirlit Fiskistofu náði í fyrsta sinn myndum af brottkasti blóðgaðs strandveiðiafla og stóð strandveiðibát að því að færa afla yfir á krókaaflamarksbát áður en komið var til hafnar.

Elín B. Ragnarsdóttir, sviðsstjóri veiðieftirlits Fiskistofu, segir að grunur hafi verið uppi um slík brot en þau hafi aldrei náðst á mynd. „Það sem við höfum áður séð er brottkast á fiski, beint af veiðarfæri, án þess að nokkuð hafi verið gert við hann. Þarna sáum við brot þar sem menn héldu verðminni fiski aðgreindum frá öðrum afla. Ef veiddist verðmeiri fiskur var verðminni fiski, sem var búið að blóðga, hent. Þetta er gert til að komast með verðmætustu 774 kílóin að landi.“

Spurð, hvort um útbreidd brot sé að ræða, svarar hún að þetta séu fá tilfelli, en þetta hafi ekki sést í drónaeftirlitinu í fyrra þegar það var umfangsmeira. „Það gæti verið tilviljun að við sáum þetta núna. Við þyrftum miklu meira eftirlit til að geta sagt til um hvort þetta sé marktæk breyting.“

Vegna manneklu hefur drónaeftirlit stofnunarinnar ekki náð í jafn miklum mæli til stærri skipa og smábáta, viðurkennir Elín. 

Lesa þá nánar í 200 mílum, sérblaði um sjávarútveg, sem fylgir Morgunblaðinu í dag.

Tengdar fréttir

Eftirlit með veiðum

Útgerðaraðili sviptur leyfi þrisvar á þremur árum

• Tilkynna drónaeftirlit í mars
• Þrír sviptir leyfi það sem af er ári
• Unnið að aukinni skilvirkni veiðieftirlitsins
• Boðar byltingu í drónaeftirliti Fiskistofu

» Fleiri tengdar fréttir

Strandveiðar

Fáar vísbendingar um bættar strandveiðar

• Strandveiðisjómenn hrekjast frá heimabyggð
• Biðja Bjarkeyju um að bjarga vertíðinni
• „Ráðherra lætur sig engu skipta álit þjóðarinnar“
• Fordæma vinnubrögð og mótmæla tillögum

» Fleiri tengdar fréttir