Rebekka nýr sérfræðingur Matvælaráðuneytisins
Setja bókamerki
Tengdar fréttir
Fiskveiðistjórnunin
/frimg/1/46/57/1465795.jpg)
Rebekka Hilmarsdóttir hefur verið ráðin í tímabundið starf sérfræðings á skrifstofu sjávarútvegs til að hafa umsjón með vinnu við gerð lagafrumvarpa og reglugerða í tengslum við stefnumótun matvælaráðherra í sjávarútvegi á kjörtímabilinu.
Þetta kemur fram í tilkynningu á vef stjórnarráðsins. Þar segir að Rebekka mun starfa með fjórum starfshópum matvælaráðherra við endurskoðun á fiskveiðilöggjöfinni ásamt samráðsnefnd um stefnumótun í sjávarútvegi, en sú vinna á að ljúka árslok 2023.
Rebekka er lögfræðingur að mennt og lauk ML gráðu frá Háskólanum í Reykjavík 2011. Hún hefur víðtæka reynslu af stjórnsýslu og hefur síðustu fjögur ár gegnt starfi bæjarstjóra Vesturbyggðar. Þar áður starfaði Rebekka í sex ár sem sérfræðingur á skrifstofu landbúnaðar í forvera matvælaráðuneytisins, atvinnuvega- og nýsköpunarráðuneytinu.
Fjöldi fólks
Sagt var frá því í maí síðastliðnum að Svandís Svavarsdóttir, matvælaráðherra, hefði skipað 46 einstaklingar í starfshópanna, samráðsnefnd og verkefnisstjórn vegna verkefnisins sem hefur fengið nafnið „Auðlindin okkar“.
„Hlutverk hópanna er að greina áskoranir og tækifæri í sjávarútvegi og tengdum greinum ásamt því að meta þjóðhagslegan ávinning fiskveiðistjórnunarkerfisins. Starfshóparnir fjórir sinna afmörkuðum sviðum og bera heitin Samfélag, Aðgengi, Umgengni og Tækifæri.“
Hóparnir og nefndin eru skipaðar í samræmi við sáttmála um ríkisstjórnarsamstarf Vinstrihreyfingarinnar – græns framboðs, Sjálfstæðisflokks og Framsóknarflokks.
Tengdar fréttir
Fiskveiðistjórnunin
Sáttur við sína stöðu og finnur fyrir meðbyr
Moses Hightower og Prins Póló gefa út eyjalag
Átta morðmál á aðeins tólf mánuðum
Íslendingar ein mest einmana þjóð heims
Mest spennandi kosningar í áratugi
Áverkar bentu til manndráps
„Mér finnst Halla Hrund svona Vigdísarleg“