Sjókvíaeldi og nýting kalkþörunga hafa áhrif á lífríkið á hafsbotni og getur raskað umhverfi þorskseiða sem um sinn hefur áhrif á þorskstofninn, sem er einn mikilvægasti nytjastofn landsins.

Þetta er meðal þess sem fram kom í máli Ingibjargar G. Jónsdóttur, sjávarvistfræðings á botnsjávarsviði Hafrannsóknastofnunar, í viðtali sem birt var í sjómannadagsblaði 200 mílna 3. júní. Var hún spurð hver helsta áskorun þorskstofnsins sé um þessar mundir.

„Ein helsta áskorun þorskstofnsins er líklega loftslagsbreytingar. Ef hitastig sjávar hækkar mun það sennilega leiða til norðlægari útbreiðslu þorsksins. En á sama tíma hefur hækkandi hitastig neikvæð áhrif á mikilvægar fæðutegundir þorsks; rækju og loðnu, sem báðar eru kaldsjávartegundir. Útbreiðsla og göngur loðnu hafa nú þegar breyst og hefur aðgengi þorsks að henni því minnkað,“ svaraði hún en sagði jafnframt áskoranir stofnsins flóknar og fjölmargar.

Fiskeldið hefur í för með sér áhrif á lífríkið á hafsbotni. mbl.is/Þorgeir Baldursson

„Annað sem vert er að nefna er uppeldissvæði þorsks en eftir sviflægt lirfustig tekur ungviði botn á landgrunninu og inni á fjörðum og flóum. Á þessum svæðum gætir áhrifa mannsins.“ Benti hún á að fiskeldinu fylgi aukinn lífrænn úrgangur sem geti haft neikvæð áhrif á lífríkið auk þess sem notkun lyfja hefur neikvæð áhrif á hryggleysingja sem eru mikilvæg fæða þorskseiða.

Þá er nýting kalkþörungasvæða sömuleiðis áhrifaþáttur en þau eru mikilvæg búsvæði seiða. Þá getur bygging mannvirkja eins og brúa haft áhrif á flæði sjávar inn í firðina, breytt setgerðum og minnkað aðgengi seiða að þessum búsvæðum.

Ítarlega var rætt við Ingibjörgu um stöðu þorskstofnsins og rannsóknir á botnsjávartegundum í síðasta blaði 200 mílna.

Tengdar fréttir

Fiskeldi

Hafnar ásökunum forstjóra MAST

• Forstjóri og tveir starfsmenn leggja fram kæru
• Vestfirðirnir hafa fengið vind í seglin
• „Enginn flokkur tekið málið í fangið“
• Strokulaxar setja mark sitt á laxveiðiár

» Fleiri tengdar fréttir

Hafrannsóknastofnun

Héldu í 34 daga uppsjávarleiðangur

• Fátt kom á óvart
• Ráðgjöfin sögð æra óstöðugan
• Þorskstofninn fari hægt minnkandi
• Beint: Ráðgjöf Hafrannsóknastofnunar

» Fleiri tengdar fréttir