Aftur landað eftir stopp í Grindavík
Setja bókamerki
Ráðgert var að Sturla GK, togbátur Þorbjarnarins, kæmi inn til Grindavíkur nú síðla nætur og þá yrði landað úr bátnum í birtingu. „Með þessu er atvinnulífið í bænum að færast í eðlilegt horf. Svo trúum við því að eitthvað annað gott gerist í framhaldinu,“ segir Gunnlaugur Eiríksson hjá Þorbirninum í samtali við Morgunblaðið.
Sturla GK fór út á mánudag og hefur síðustu sólarhringa verið á vesturmiðum. Byrjað var á Látragrunni, svo var tekið tog við Snæfellsnes og síðdegis í gær var báturinn á veiðum út af Reykjanesi við Eldey.
Sennilega um 50 tonn
Uppistaðan nú er karfi, en eitthvert kropp af öðrum fiski hefur flotið með. Afli þessi, sennilega um 50 tonn, verður seldur á markaði, enda liggur einbeitingin hjá Þorbirninum í vinnslu á bolfiski.
Grindavíkurbær var rýmdur vegna aðsteðjandi hættu föstudagkvöldið 10. nóvember. Síðan þá hefur öll starfsemi við höfnina þar legið niðri. Landað var úr togurum Þorbjarnarins, Tómasi Þorvaldssyni GK og Hrafni Sveinbjarnarsyni GK, í þessari og síðustu viku í Hafnarfirði og þar hafa fleiri Grindavíkurbátar lagt upp. Í síðustu viku var landað úr Sturlu í Grundarfirði, en nú er aftur stefnt í heimahöfn en skipstjóri í þessum túr er Birgir Sigurbjörnsson.
Nánar er fjallað um málið í Morgunblaðinu í dag.
Hinn almenni Íslendingur tengi ekki við flokkinn í dag
Tveir stungnir í gistiskýlinu á Granda
Bæjarstjórinn ósammála ritara Sjálfstæðisflokksins
Hyggst leiða ríkisstjórnina til enda
Fluttur á Hólmheiði af öryggisástæðum
Gerbreytt staða hælisleitarmála
Ólína: „Þeir eru oft aulalegir í málflutningi“