Sjö vilja verða fiskistofustjóri

Sjö sækjast eftir starfi fiskistofustjóra sem auglýst var 12. janúar síðastliðinn og mun matvælaráðherra skipa í embættið að undangengnu mati hæfnisnefndar, að þvi er segir ítilkynningu á vef stjórnarráðsins.

Þann 11. janúar var tilkynnt að Ögmundur H. Knútsson hafði beðist lausnar frá stöfum sem fiskistofustjóri frá og með 15. janúar og að Elín Björg Ragnarsdóttir, sviðstjóri veiðieftirlitssviðs myndi gegna starfinu þar til ráðningu yrði lokið.

Frétt af mbl.is

Fiskistofustjóri hefur beðist lausnar úr starfi

Þau sem skiluðu umsókn um stöðuna áður en umsóknarfresti lauk 1. febrúar eru:

• Bergþór Bjarnason, fjármálastjóri
• Elín Björg Ragnarsdóttir, sviðstjóri
• Erna Jónsdóttir, sviðstjóri
• Fannar Karvel, framkvæmdastjóri
• Gísli Gíslason, svæðisstjóri
• Ólafur Unnar Kristjánsson, framkvæmdastjóri
• Robert Thorsteinsson, viðskiptafræðingur

Hæfnisnefnd skipa:

• Gylfi Dalmann Aðalsteinsson, dósent í mannauðsstjórnun við Háskóla Íslands og formaður nefndarinnar.
• Ragnhildur Hjaltadóttir fyrrum ráðuneytisstjóri innviðaráðuneytisins og fleiri ráðuneyta.
• Eyþór Björnsson, forstjóri Norðurorku og fyrrum fiskistofustjóri.

Hæfnisnefnd starfar í samræmi við lög um réttindi og skyldur starfsmanna ríkisins og hefur til hliðsjónar reglur um ráðgefandi nefndir sem meta hæfni umsækjenda um embætti við Stjórnarráð Íslands.

• Blogga um frétt