First Water leigir húsnæði Ísfélagsins
Setja bókamerki
Landeldisfyrirtækið First Water og Ísfélag hf. hafa gert með sér samning þess efnis að First Water leigi húsnæði og aðstöðu hjá Ísfélagi hf. í Þorlákshöfn, en engin vinnsla hefur verið í húsnæðinu síðan í lok september á þessu ári.
Í tilkynningu kemur fram að First Water hafi nú þegar fest kaup á vinnslubúnaði. Gert er ráð fyrir að vinnsla fyrirtækisins fari af stað þar á fyrri hluta næsta árs.
Allur lax First Water verður unninn í húsnæði Ísfélagsins og stendur til að starfsemin verði í húsnæðinu í allt að þrjú ár, en vinnslustöð First Water sem mun rísa á Laxabraut í Þorlákshöfn, verður tekin í notkun haustið 2026.
„Við gleðjumst yfir því að samningar náðust og erum spennt fyrir samstarfinu við Ísfélagið. Eins sjáum við mikinn hag í því að flytja þessa starfsemi til Þorlákshafnar enda erum við fyrirtæki sem er staðsett í Ölfusi og kjósum eðlilega að hafa alla vinnslu okkar þar. Húsnæði Ísfélagsins og öll aðstaðan á svæðinu er til fyrirmyndar og hentar vinnslunni mjög vel. Þar af leiðandi er okkur ekkert að vanbúnaði að bretta upp ermar og hefjast handa,“ er haft eftir Eggerti Þór Kristóferssyni, forstjóra First Water.
Rúmur mánuður er síðan þúsundasta laxatonninu var slátrað á þessu ári hjá First Water en til stendur að árlega framleiði fyrirtækið um 50 þúsund tonn af heilum og slægðum laxi.
„Það er ekkert nema jákvætt að starfsemi fari aftur á fullt í húsnæðinu okkar. Við hjá Ísfélaginu erum ánægð með að geta lagt hönd á plóg þegar kemur að þessu flotta verkefni og hlökkum til samstarfsins við First Water,“ er haft eftir Stefáni Friðrikssyni, forstjóra Ísfélags hf.
Sólveig Anna furðar sig á aðferðum kennara
Hótar Bretum og Bandaríkjamönnum
/frimg/1/53/8/1530844.jpg)
Myndir: Náttúrulegur þröskuldur að taka við
Nýtt fangelsi í landi Stóra-Hrauns tilbúið 2028
Yfir 300 stæði fóru undir hraun
Dómur þyngdur um þrjú ár
/frimg/1/53/8/1530849.jpg)
Fatlaður drengur fær ekki þjónustu í verkfalli
Fullvissa ferðamenn um að hér sé öruggt
