Útfararstofa Íslands var stofnuð árið 1996 af Sverri Einarssyni, sem er eigandi fyrtækisins. Samstarfsfélagi Sverris við stofnun útfararstofunnar var Sverrir Olsen, en saman höfðu þeir unnið við útfararþjónustu hjá kirkjugörðum Reykjavíkur í fjölda ára. Sverrir Olsen lést árið 2005. Árið 1999 hóf Baldur Frederiksen, útfararstjóri, störf hjá útfararstofunni en hann hafði einnig unnið í mörg ár við útfararþjónustu hjá Kirkjugörðunum með þeim félögum Sverri E. og Sverri O. Árið 2000 hóf nýútskrifaður guðfræðingur, Bryndís Valbjarnardóttir, störf hjá útfararstofunni, en þá var hún ein fyrsta konan sem starfaði sem útfararstjóri í fullu starfi. Skrifstofa Útfararstofu Íslands að Auðbrekku 1, Kópavogi.