Verðskrá auglýsinga á mbl.is

Gildir frá 1. janúar 2025. Verð er án virðisaukaskatts.

Álagsgjald fyrir að panta 1-4 daga í hólfi sem selt er í vikum skv. verðskrá er 25%. Það þýðir að dagverðið er um 17,9% af vikuverðinu í þessum hólfum, ekki 14,3%.

Fyrirvari: Árvakur áskilur sér rétt til að gera breytingar á verðskrá á álagstímum. Ekki er tekin ábyrgð á innsláttarvillum í verðskrá.

Myndbandsauglýsingar/preroll

Viðskiptavinum er boðið upp á að kaupa auglýsingar sem spilast á undan klippum á vefnum.

Auglýsingarnar spilast í öllum tækjum. Notendur geta valið að slökkva á þeim eftir fimm sekúndur.

Vídeóauglýsingar

Myndkóðun: MP4 H.264 aka MPEG-4 AVC eða MPEG-4 Part 10. Hljóðkóðun: AAC.
Miðað er við að auglýsing sé 10-15 sek að lengd og að hámarki 1080p í upplausn. Skráarstærð skal í mesta lagi vera 50MB.

Fasteignaauglýsingar

Reglur varðandi skráningu fasteigna á fasteignavef mbl.is

Heimildir til að setja inn fasteignir hafa fasteignasölur sem uppfylla lög nr. 99/2004 um réttindi fasteignasala. Sérstaklega er vísað í 1. grein:

„Þeim einum er heimilt að hafa milligöngu um kaup, sölu eða skipti á fasteignum eða skráningarskyldum skipum fyrir aðra sem hafa til þess löggildingu dómsmálaráðherra. Sama gildir um kaup, sölu eða skipti á atvinnufyrirtækjum eða eignarhluta í þeim, hvort heldur er um að ræða fyrirtæki í eigu einstaklinga eða félaga, annarra en hlutafélaga.

Hæstaréttar- og héraðsdómslögmenn þurfa ekki löggildingu til að hafa milligöngu um kaup, sölu eða skipti á eignum í einstökum tilvikum, enda tengist það lögmannsstörfum þeirra. Ákvæði laga þessara gilda um slík störf lögmanna.

Þegar rætt er um fasteignasölu og fasteignaviðskipti í lögum þessum er einnig átt við sölu fyrirtækja, sbr. 1. mgr., og sölu skráningarskyldra skipa. Þar sem rætt er um fasteignasala í lögunum er einnig átt við þá sem hafa löggildingu ráðherra til að annast sölu fyrirtækja og skipa.

Þeim sem hafa atvinnu af byggingu fasteigna er heimilt að annast sjálfir sölu þeirra. Skjöl, sem tengjast sölunni, skulu þó unnin af fasteignasölum eða vera staðfest með sérstakri áritun þeirra. Er slík áritun á skjal skilyrði fyrir þinglýsingu þess. Sama gildir um félagasamtök sem annast byggingarframkvæmdir fyrir félagsmenn sína. Ákvæði laga þessara gilda um slík störf eftir því sem við getur átt.“

Einungis má bjóða til sölu á vefnum:

• Húsnæði til sölu
• Atvinnuhúsnæði til sölu
• Jarðir og lönd til sölu.

Óheimilt er að:

• Óska eftir eignum
• Bjóða rekstur til sölu eða leigu
• Óska eftir eða bjóða til sölu nokkuð annað en það sem getið er hér að ofan

Verð fyrir þjónustuna er samkvæmt verðskrá mbl.is. Afsláttur er veittur eftir nánara samkomulagi.

Brot á reglum þessum varða brottvikningu af fasteignavef www.mbl.is án frekari viðvarana

Gátlisti fyrir auglýsingaskil

• Tilbúnum auglýsingum skal skilað ekki síðar en einum virkum degi fyrir fyrirhugaða birtingu.
• Afbókun auglýsingar þarf að berast ekki síðar en tveimur vikum fyrir fyrirhugaða birtingu. Við síðari afbókun þarf að greiða bókunina að fullu.
• Borðinn má ekki valda of miklu álagi á tölvu notenda. Hafa verður í huga að margir notendur eru ekki á nýjustu gerðum tölva. Sjá leiðbeiningar.
• Þegar smellt er á borðann verður síða að opnast í nýjum glugga.
• Borðinn skal vera innan uppgefinna stærðartakmarka.
• Hljóð má einungis vera notað ef notandi biður um það með því virkja aðgerð í borðanum með músarsmell. Ekki má byrja hljóðafspilun þó að músarbendill fari yfir auglýsingu.
• Auglýsingin má ekki „stela“ músarbendlinum og fela hann eða skipta honum út fyrir annan bendil þegar farið er með bendilinn yfir auglýsinguna.
• Ef auglýsingin krefst niðurhals frá öðrum vefþjóni, t.d. þegar spila á myndskeið, má niðurhalið einungis hefjast þegar notandi virkjar spilun þess með músarsmell. Ekki má hefja niðurhal við birtingu borða eða þótt farið sé með músarbendil yfir auglýsinguna.
• Mikilvægt er að auglýsingin sæki það sem sækja þarf aðeins einu sinni, en ekki við hverja keyrslu.
• Ef um iframe-borða er að ræða þarf að sjá til þess að borðinn sé hýstur á https-vefþjóni (ekki http). Þetta á bæði við um borðann sjálfan og um allt efni (s.s. myndir og myndskeið) sem hann sækir.

Tikkerborði – tæknilýsing

Til að hægt sé að birta tikker borða á mbl.is þarf að skila inn efninu á eftirfarandi hátt:

• Myndaborði: Ef um er að ræða mynd eða „gif“ borða þarf að skila inn þremur stærðum af myndaskrám. Eina fyrir hverja skjá stærð:
  • Borðtölvur 1100x70
  • Spjaldtölvur 640×70
  • Farsímar 360x70

Hægt að setja inn 3 scriptur eða iframe slóðir.

• Iframe: Þegar iframe-borði er hannaður sem tikker er mikilvægt að hann sé responsive og skiptist í þrjár skjástærðir:
  • Skjábreidd er 1100 pixla eða breiðari – Borðinn er 1100 pixla að breidd
  • Skjábreidd er minni en 1100 pixla enn þó stærri en 680 pixla – Borðinn er 640 pixla að breidd
  • Skjábreidd er minni en 680 pixla – Borðinn er 360 pixla að breidd

Spurt og svarað

• Bjóðið þið upp á að hýsa borða?

  • Nei, ekki nema í gegnum sérsamning við Overcast (Hafið samband við auglýsingastjóra).

• Virka einhverjar vefmælingar hjá ykkur á HTML5 borðum?

  • Já við veitum allar hefðbundna vefmælingar á iframe-borðum nema smelli.

• Hvaða stærðartakmarkanir í KB/MB eru þið með?

  • Engar föst takmörk eru til staðar. Við biðjum samt um að auglýsingum sé haldið í minna lagi og áskiljum okkur rétt til að hafna efni ef stærð þess fer úr öllu hófi.

• Er yfirleitt einum borða skilað fyrir hverja stærð, eða er hægt að skila einum responsive borða?

  • Skila þarf bakgrunnsauglýsingum og Tikker í 3–4 stærðum svo henti mismunandi tækjum; sjá nánar hér að neðan þar sem þessum auglýsingaplássum er lýst. Fyrir önnur pláss er skilað einum borða sem best er að sé responsive ef viðmiðunarbreidd plássins er meiri en 310 dílar.

Ritstjórnarefni

Miðlar Árvakurs hf. leggja mikla áherslu á áreiðanleika umfjöllunar sinnar. Ritstjórn þessara miðla starfar í hvívetna á forsendum vandaðrar blaðamennsku.

Auglýsingar og kynningar

Auk ritstjórnarefnis birta miðlar Árvakurs hf. margskonar auglýsingar og kynningarefni sem auglýsendur og samstarfsaðilar greiða fyrir. Þess er ávallt gætt að notendur miðlanna sjái glöggt að um keypt efni er að ræða. Þessu efni má skipta í tvennt:

Hefðbundnar auglýsingar

Efni frá auglýsendum sem er unnið á þeirra forsendum. Áhersla er ávallt lögð á að auglýsingarnar uppfylli ákvæði laga, samræmist almennu velsæmi og séu vel aðgreindar frá ritstjórnarefni. Árvakur hf. áskilur sér rétt til að hafna birtingu auglýsinga uppfylli þær ekki þessi skilyrði. Árvakur hf. áskilur sér einnig rétt til að merkja auglýsingar með orðinu „Auglýsing“ sé talin hætta á að viðkomandi auglýsing líkist um of ritstjórnarefni.

Samstarfsverkefni

Miðlar Árvakurs hf. bjóða upp á samstarf við þá sem vilja koma ákveðnum upplýsingum, hugmyndum vörum eða þjónustu á dagskrá með umfjöllun. Efni af þessu tagi er merkt „Í samstarfi við [nafn samstarfsaðila]“ eða „Kostuð umfjöllun“ til aðgreiningar frá hefðbundnu ritstjórnarefni. Þetta efni þarf að uppfylla þær kröfur um áreiðanleika sem gerðar eru til ritstjórnarefnis og vera áhugavert fyrir lesendur að mati ritstjórnar. Ritstjórn hefur síðasta orðið um efnistök og hvort slíkt efni er unnið og birt.

Samningi um auglýsingar, hefðbundnar eða óhefðbundnar, eða samstarfsverkefni fylgja aldrei fyrirheit um fyrirgreiðslu á ritstjórn blaðsins þegar kemur að annarri umfjöllun eða fréttaskrifum.