Bílasýningin alþjóðlega í París hefst í byrjun október og vekur athygli að margir af fremstu bílsmiðum heims sitja heima að þessu sinni.
Sýningin, Mondial de l'Automobile, er jafnan sú stærsta í heiminum og hefur farið fram annað hvert ár.
Láta mun nærri að fyrirtæki sem framleiða um 40% seldra bíla í Evrópu í ár mæti ekki til leiks, að sögn fagritsins Automotive News.
Í þeim hópi eru Volkswagen, Ford, Opel, Nissan, Fiat, Jeep, Volvo, Mitsubishi og Mazda. Ennfremur hafa afaþakkað boð um þátttöku lúxusmerkin Bentley, Aston Martin, Rolls-Royce og McLaren.