BL kynnir Nissan AT32

Nissan Navara Off Roader AT32.
Nissan Navara Off Roader AT32.

BL hefur fengið í sýningarsalinn breytta útgáfu Nissan Navara sem fengið hefur þrjátíu og tveggja tomma breytingu frá Arctic Trucks. Hannaði AT hana í samstarfi við Nissan Europe sem kallar hann Navara Off Roader AT32.

Þessi vandaði og margverðlaunaði pallbíll er nú fáanlegur með breytingunni hjá öllu helstu söluaðilum Nissan í Evrópu, að því er segir í tilkynningu.

„Navara hentar ákaflega vel til hvaða breytinga sem er, það er allt frá 32“ og uppúr enda er bíllinn með fjölarma gormafjöðrun frá framleiðanda og öflugri og sparneytinni 2,3 lítra og allt að 190 hestafla dísilvél og 7 gíra sjálfskiptingu sem drífa bílinn mjög vel áfram enda hefur
hann 3,5 tonna dráttargetu. Navara AT32 hefur verið hækkaður um 20 mm auk þess sem dekkin sem fylgja breytingunni eru breiðari en á óbreyttum Navara. AT32-breytingin eykur því drifgetu bílsins umtalsvert, mjúk dekkin auka þægindi á malarvegum auk þess sem þessi breytti bíll opnar tækifæri til enn fjölbreyttari ferðalaga um hálendisvegi og torsótta slóða landsins,“ segir í tilkynningunni.

100% driflæsing í afturhásingu er staðalbúnaður í Navara og valmöguleiki þegar um framlæsingu er að ræða sem söluaðilar Nissan bjóða með bílnum og er sérstaklega kynnt með Navara AT32. „Driflæsingar ráða oft úrslitum um góðan árangur þegar losa þarf bílinn úr erfiðum festum eða hámarka veggrip um skemmri vegalengd í erfiðu undirlagi, svo sem í snjó, hálku, grjóti og sandi og þegar farið er yfir erfiðar ár.“

Í tilefni kynningar á Navara AT32 býður BL breyttan Navara Visia AT32  frá 6.180.000 kr. með breytingarpakkanum. Heildarverðmæti AT32 breytingarinnar er 890.000 kr. en BL býður á aðeins 390.000 kr. í tilefni kynningarinnar. Í nýjum Navara AT32 er endurbætt fjöðrun með
nýjum dempurum og gormum og 38 mm hækkun undir lægsta punkt, nýjar Black Edition 17 tommu álfelgur og 32 tommu dekk, ný stigbretti og brettakantar auk AT32 merkinga frá Arctic Trucks.

mbl.is