Frumsýna nýjan Peugeot 508
Setja bókamerki
Brimborg frumsýnir næstkomandi laugardag klukkan 12 til 16.
„Nýr Peugeot 508 er sannkallaður lúxusbíll sem gerir engar málamiðlanir í hönnun og gæðum, hann er sportlegur og einstaklega glæsilegur. Peugeot 508 er tilnefndur sem Bíll ársins í Evrópu 2019,“ segir í tilkynningu um frumsýninguna.
Innra rými bílsins, svonefndur Peugeot i-Cockpit, hefur tekið stakkaskiptum. Í sætum er möguleiki að fá nuddbúnað sem er stillanlegur á margan máta. Í rýminu er einnig stillanlegur stafrænn 10 tommu háskerpu aðgerðaskjár. Við Focal hljóðkerfið er tengdir 10 hágæða hátalarar sem sagðir eru bjóða upp á „frábæran hljóðheim“.
Peugeot 508 er fáanlegur með næturmyndavél sem er staðsett í framenda bílsins. Varar nætursjóntækni ökumann við hreyfingum í myrkrinu. Með þessu er ætlunin að auka á öryggi manna og dýra á og við vegi. Fjöðrun Peugeot 508 er sívirk sem eykur veggrip dekkjanna.
Bíllinn verður fáanlegur ýmist með nýrri kynslóð PureTech bensínvélar eða BlueHDi dísilvélar
