Flugbíll í loftið 2020

Senn líður að fyrsta flugi Liberty Pioneer frá hollenska fyrirtækinu …
Senn líður að fyrsta flugi Liberty Pioneer frá hollenska fyrirtækinu PAL-V.

Hollenska frumkvöðlafyrirtækið PAL-V Liberty Pioneer er byrjað að taka við pöntunum í flugbíl sem fyrirtækið hefur verið að þróa. Hefur henni miðað það vel fram, að bjartsýni ríkir í herbúðum fyrirtækisins á að flugbílar hefji göngu sína á næsta ári.

PAL-V flugbíllinn var fyrst kynntur á bílasýningunni í Genf fyrir ári og síðan hefur mikið vatn runnið til sjávar í þróun hans. Talar fyrirtækið um hann sem „heimsins fyrsta fljúgandi bíl“.

PAL-V er eins og sambland af þyrilflugu, mótorhjóli og bíl. Frumútgáfa hans verður smíðuð í einungis 90 eintökum. Á vegum úti verður topphraði þriggja hjóla farartækisins 160 km/klst. og drægi um 1.300 km.

Til að breyta bílnum í flugvél þarf aðeins að draga afturenda hans út og opna þyrilblöðin. Á lofti má fljúga 500 kílómetra vegalengd á allt að 200 km/klst. hraða. Hármarks flughæð verður 11.500 fet eða 3,5 kílómetrar. Til lendingar þarf flugbíllinn aðeins 30 metra langa braut.

Helsta hindrunin í vegi flugbílsins er að til þess að fljúga honum verður ökumaður að vera með einkaflugmannsréttindi. agas@mbl.is

Senn líður að fyrsta flugi Liberty Pioneer frá hollenska fyrirtækinu …
Senn líður að fyrsta flugi Liberty Pioneer frá hollenska fyrirtækinu PAL-V.
Senn líður að fyrsta flugi Liberty Pioneer frá hollenska fyrirtækinu …
Senn líður að fyrsta flugi Liberty Pioneer frá hollenska fyrirtækinu PAL-V.
Senn líður að fyrsta flugi Liberty Pioneer frá hollenska fyrirtækinu …
Senn líður að fyrsta flugi Liberty Pioneer frá hollenska fyrirtækinu PAL-V.
Senn líður að fyrsta flugi Liberty Pioneer frá hollenska fyrirtækinu …
Senn líður að fyrsta flugi Liberty Pioneer frá hollenska fyrirtækinu PAL-V.
Senn líður að fyrsta flugi Liberty Pioneer frá hollenska fyrirtækinu …
Senn líður að fyrsta flugi Liberty Pioneer frá hollenska fyrirtækinu PAL-V.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur: