Drónarnir elta hraðafíkla uppi

Drónar gegna auknu hlutverki við eftirlitsstörf frönsku lögreglusveitanna. Nú er komið að því að flygildin litlu verði brúkuð til eftirlits með hraðakstri á Parísarsvæðinu.

Flygildin smáu hafa reynst vel við eftirlit með hraðakstri í suðvesturhluta Frakklands en þar var fyrsta hraðasektin af völdum dróna gefin út fyrir tveimur árum.

Sérstakar umferðaröryggissveitir (CRS) tóku dróna í notkun til eftirlits á A63 hraðbrautinni milli Bordeaux og Bayonne um hvítasunnuhelgina. Þótti það takast með ágætum en dróninn leiddi í ljós að fjöldi ökumanna vöruflutningabíla virti ekki reglur um öryggisbil milli bíla á ferð. Fengu þeir sektarmiða senda heim í pósti.

agas@mbl.is