Flauta París af
Gestkvæmt er á bílasýningunni í París í október 2018.
AFP
Setja bókamerki
Bílasýningin í París sem fram átti að fara í haust hefur verið flautuð af vegna sjúkdómsfaraldursins af völdum kórónuveirunnar.
Sýningin hefur verið sú stærsta í heiminum og átti að fara fram 2. til 11. október nk. Ekki þótti annað koma til álita vegna faraldursins sem ekki sér fyrir endann á en aflýsa sýningunni með öllu.
Sýningin hefur verið að breytast í takt við tímann í það sem aðstandendur hennar kalla „Hreyfihátíð Parísar“. Þar verður aukin áhersla lögð á „nýsköpun og sjálfbær ferðalög og samgöngur“.
