Bláir bílar eiga ekki upp á pallborðið

Blár er fallandi bílalitur.
Blár er fallandi bílalitur.

Í Bretlandi er það landlægur brandari að ómögulegt sé að losa sig við bláa bíla; enginn vilji kaupa þá, hvorki nýja né notaða, og því geti tekið heila eilífð að losa sig við þá.

Þetta kemur ekki alveg heim og saman við þá staðreynd að blái liturinn hefur löngum verið í uppáhaldi hjá breskum bíleigendum, og jafnan meðal þriggja vinsælustu.

Í nýrri greiningu kemur í ljós að blái liturinn kemst ekki lengur á verðlaunapallinn og virðist sem bílabransinn sé að hengja sig fastan við sauðalitina. Í toppsætinu tróna svartir bíla, hvítir í öðru sæti og í því þriðja gráir.

Liðin eru 21 ár frá því að blái liturinn var algengastur á bílum en í millitíðinni hefur hann ætíð verið í öðru hinna tveggja sætanna. Fjarar nú undan bláu og reyndar öðrum litum líka því samkvæmt greiningu fyrir vefsetrið BuyaCar.co.uk fer bilið stækkandi milli eintóna bílalita (svart og hvítt) og hinna. agas@mbl.is

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur: