7 ára ábyrgð á Peugeot bílum

Brimborg býður nú alla nýja Peugeot bíla með víðtækri 7 ára ábyrgð auk 8 ára ábyrgðar á drifrafhlöðu rafbíla.

Ábyrgðin gildir fyrir fólks- og atvinnubíla. Ábyrgðin er í boði á bílum keyptum af Brimborg sem koma í reglulega þjónustu samkvæmt ferli framleiðanda í allt að 7 ár eða allt að 140 þús. km.

„Ávinningur af reglulegum þjónustuskoðunum og lengri verksmiðjuábyrgð er aukin gæði, meira öryggi, lægri rekstrarkostnaður, hærra endursöluvirði og hraðari endursala,“ segir í tlkynningu frá Brimborg.

Við þjónustueftirlit er fylgt stöðluðu ferli framleiðanda sem tryggir að bíllinn er ávallt í topp standi. Þjónustuverkstæði Brimborgar eða aðrir viðurkenndir þjónustuaðilar Brimborgar framkvæma reglubundna þjónustu á 12 mánaða eða 15.000 km fresti hvort sem kemur á undan km. fjöldi eða tími og er þjónustueftirlitið á föstu verði.

„Árið 2020 hefur verið viðburðaríkt fyrir Peugeot á Íslandi. Tveir nýir hreinir rafbílar og einn tengiltvinn rafbíll hafa verið kynntir og nú býður Brimborg alla nýja Peugeot bíla með víðtækri 7 ára verksmiðjuábyrgð og 8 ára ábyrgð á drifrafhlöðu raf- og tengiltvinn rafbíla,“ segir í tilkynningunni.