Allir nema einn sendir í brotajárn

Uppgrip voru hjá brotajárnskaupmönnum að keppni lokinni.
Uppgrip voru hjá brotajárnskaupmönnum að keppni lokinni.

Árlega er haldin heljarinnar klessubílakappakstur í bænum Saint-Lazare-de-Bellechasse í Quebec-fylki í Kanada.

Hátíð bókhveitisflatbökunnar heitir hún þótt seint verði hægt að finna bein tengsl á milli nafngiftarinnar og þess sem fram fer á hátíðinni.

Þar fá menn nefnilega góða útrás fyrir eyðileggingarmátt sinn. Mættu alls 125 keppendur með þreytulega og úrsérgengna bíla sína. Þegar upp var staðið var aðeins einn ökumaður ósigraður, maður að nafni Mathieu Langlois á Toyota Corolla af árgerðinni 2001. Verðlaunin voru 10.000 dollarar. Ekki svo rýr eftirtekja eftir um 50 mínútna akstur.

Eins og gefur að skilja var hans bíll sá eini sem slapp við að verða sendur til niðurrifs hjá brotajárnskaupmanni. agas@mbl.is

Uppgrip voru hjá brotajárnskaupmönnum að keppni lokinni.
Uppgrip voru hjá brotajárnskaupmönnum að keppni lokinni.
Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur: