Mazda rafbíll fékk fimm stjörnur

Mazda MX-30, fyrsti 100% hreini rafbíllinn frá Mazda fékk toppeinkun í höggprófunum hjá Euro NCAP öryggisstofnunni, eða fimm stjörnur.

Euro NCAP kynnti nýverið til sögunnar nýjar prófunaraðferðir þar sem auknar kröfur voru gerðar til öryggisbúnaðar og aðstoðarkerfa bíla.

Mazda MX-30 rafbíllinn fékk 91 stig fyrir öryggi bílstjóra og farþega í árekstri að framan eða á hlið. Þetta er besti árangur hingað til í þessum flokki, með nýju stöðlunum. Á sama tíma hlaut Mazda MX-30, 87 stig fyrir öryggi barna.

Mazda MX-30 er búinn fjölda virkra öryggiskerfa til að koma í veg fyrir árekstur við aðra vegfarendur - hvort sem það eru bílar í umferðinni eða gangandi eða hjólandi vegfarendur. Kerfið er útbúið skynjurum sem aðstoða ökumann við að greina aðkallandi hættur í umhverfinu og láta ökumann vita um leið.

Mazda MX-30 rafbíll er búinn 10 loftpúðum, sem er nýtt hjá Mazda, öryggispúðar eru t.a.m staðsettir milli ökumanns og farþega að framan auk hliðarpúða í aftursæti.

Glænýr Mazda MX-30 er búinn ríkulegum staðalbúnaði t.a.m bakkmyndavél, forhitun sem tryggir alltaf heitan bíl, vegaleiðsögn og hárri sætisstöðu með víðtækri ábyrgð og innbyggðri varmadælu, allt fyrir 4.090.000 krónur.