Crossfit-goðsögn eignaðist stúlku

Á árunum 2017 til 2022 vann Tia-Clair Toomey sex heimsmeistaratitla …
Á árunum 2017 til 2022 vann Tia-Clair Toomey sex heimsmeistaratitla í Crossfit í röð. Ljósmynd/CrossFit Inc.

Ástralska Crossfit-stjarnan Tia-Clair Toomey og eiginmaður hennar, þjálfarinn Shane Orr, eignuðust stúlku hinn 9. maí síðastliðinn. 

Toomey hefur unnið sex heimsmeistaratitla í röð í Crossfit á árunum 2017 til 2022, en hún gat ekki tekið þátt í heimsleikunum í ár vegna óléttunnar. Þrátt fyrir það hefur hún ekkert gefið eftir og verið dugleg að æfa á meðgöngunni.

Hjónin kynntust fyrst í menntaskóla þegar þau kepptu bæði í þríþraut, en þau gengi í það heilaga árið 2017. Toomey og Orr tilkynntu óléttuna svo á aðfangadag 2022 með færslu á samfélagsmiðlum.

Þau gerðu hið sama þegar dóttir þeirra, sem hefur þegar fengið nafnið Willow Clair Orr, kom í heiminn.

mbl.is
Fleira áhugavert
Fleira áhugavert