Ofurfyrirsætan Winnie Harlow lenti í því að fluginu hennar var aflýst á dögunum. Hún þurfti að mæta í stóra myndatöku morguninn eftir og mátti ekki mæta of seint. Hún fór í næsta mögulega flug og reyndi að sofa eins og hún gat á almennu farrými en ekki fyrsta farrými eins og hún hafði bókað.
Harlow sem er 175 semtímetrar á hæð hafði ekki sofið í fjóra daga þegar hún fékk þær fréttir að búið væri að aflýsa fluginu á fyrsta farrými. Svefnleysið skrifast á það að tískuvikurnar í New York, London og Mílanó hafa verið í fullum gangi síðustu vikur og því brjálað að gera hjá ofurfyrirsætunni.
„Ég átta mig á því að þetta lítur ekki út fyrir að skipta máli fyrir sumt fólk en þegar flugvélin er svefnherbergi þitt og þú nærð bara að sofa í flugi í erilsömum tískumánuði er þetta þreytandi,“ skrifaði Harlow meðal annars og tók fram að fyrirsætulífið væri ekki alltaf bara glamúr auk þess sem hún var ánægð með flugvallarstarfsfólkið.
Það var bara eitt í stöðunni fyrir Harlow og það var að reyna finna þægilega stellingu til þess að sofa í. Svo virðist sem henni hafi tekist nokkuð vel til.
View this post on InstagramA post shared by ♔Jamaican Canadian♔ (@winnieharlow) on Sep 18, 2019 at 5:26pm PDT