Hótel Rangá leitar nú að ljósmyndara til þess að fanga myndir og myndbönd af norðurljósunum dansa yfir hótelinu og í kring. Norðurljósafangarinn fær að eyða mánuði frítt á hótelinu.
Í auglýsingu á vef hótelsins segir að gegn því að skrásetja norðurljósin fái ljósmyndarinn frítt herbergi og fæði á hótelinu auk aðgangs að stjörnuathugunarstöðinni og heitum pottum. Innifalið er einnig flug til og frá Íslandi.
Tímabilið sem um ræðir er frá miðjum september og fram í miðjan október.