Á meðan flestir Íslendingar borðuðu á sig gat af rjómabollum gerði bakstursdrottningin Eva Laufey Kjaran vel við sig á sólarströnd.
„Mögulega besti mánudagur ársins, að minnsta kosti hingað til,“ skrifaði Eva Lafuey á Instagram. Ástæðan var líklega ekki bolludagurinn þar sem Eva Laufey birti mynd af dætrum sínum róla sér á ströndinni.
Eva Laufey flúði þó ekki bolludaginn alveg en hún tók forskot á sæluna viku fyrir bolludaginn.
Fjölmargir Íslendingar dvelja nú í sólinni þar á meðal á spænsku eyjunni Tenerife. Eva Laufey er meðal þeirra Íslendinga sem þekkir eyjuna vel. Hún hefur meðal annars dvalið á eyjunni fögru um jól.