Söngkonan Jennifer Lopez hefur nú viðurkennt að hafa verið í ástarsorg eftir að Ben Affleck, fyrrverandi unnusti hennar, hætti með henni nokkrum dögum áður en þau áttu að ganga í það heilaga.

Lopez skrifar um þetta tímabil í bókinni sinni True Love. Hún kveðst hafa átt erfitt uppdráttar eftir að Affleck hætti með henni árið 2004.

„Mér fannst eins og hjartað hefði verið rifið út úr líkama mínum. Ég hef upplifað sambandsslit áður en aldrei fundið fyrir slíkri ástarsorg. Þetta tók á, kannski vegna þess að þetta var svo opinbert,“ sagði Lopez í bókarkynningu í New York í gær.

Lopez hefur upplifað ýmislegt í gegnum tíðina en hún hefur verið gift þremur mönnum og skilið við þá alla. Affleck virðist þó hafa haft mest áhrif á hana.

Tengdar fréttir

Bennifer

Er Hollywood-parið að taka saman á ný?

• Mætti í hinum fullkomna hefndarkjól
• Guðs lifandi fegin að vera laus við Affleck
• Kominn með nýja viku eftir skilnaðinn
• Gömul ástarbréf og enginn kaupmáli

» Fleiri tengdar fréttir

• Blogga um frétt