MR fór með sigur af hólmi
Setja bókamerki
Söngkonan Karólína Jóhannsdóttir, nemandi við Menntaskólann í Reykjavík, fór með sigur af hólmi í Söngkeppni framhaldsskólanna sem fram fór í Reykjavík í kvöld.
Hún söng lagið Go Slow með Haim og sungu þær Guðrún Ýr Eyfjörð, Kristín Björg Björnsdóttir og Melkorka Davíðsdóttir bakraddir.
Í öðru sæti varð Borgarholtsskóli og var það Aron Hannes Emilsson sem söng lagið Forrest Gump eftir Christopher Breaux & James Ho.
Í þriðja sæti keppninnar hafnaði síðan Saga Matthildur Árnadóttir sem söng fyrir hönd Fjölbrautaskólans í Garðabæ, en atriðið hennar var jafnframt valið það vinsælasta í símakosningu.
Úrslitin fóru fram í myndveri Sagafilm á Laugavegi 176 og voru í beinni útsendingu á RÚV.
Dómnefndina skipuðu þau Lóa Hlín Hjálmtýsdóttir úr FM Belfast, Sigríður Thorlacius úr Hjaltalín og Krummi Björgvinsson.
Fulltrúar 29 framhaldsskóla reyndu með sér um miðjan dag og komust tólf í úrslit. Meðfylgjandi er syrpa með myndum frá undankeppninni fyrr í dag.
Hraun kemur úr þremur gígum: Virknin stöðug
Sjötti ferðamaðurinn er látinn
Þarf að koma til móts við ólíkar þarfir lækna
Reiðubúin að aflýsa verkföllum í fjórum leikskólum
Hentugt gos fyrst gýs á annað borð
Yfir 300 stæði fóru undir hraun
Dómur þyngdur um þrjú ár
