Ef HeForShe herferð UNWomen hefur farið fram hjá einhverjum síðustu daga þá er mjög líklegt að viðkomandi hafi rekið augun í hana í sjónvarpinu í gær.

Að þessu sinni voru það Björgvin Halldórsson, Bjarni Arason og Friðrik Ómar Hjörleifsson sem birtust í sérstöku Eurovision myndbandi herferðarinnar - Ólíkir en sammála um kynjajafnrétti sem sýnt var í auglýsingahléi í fyrri undankeppni ársins. Í myndbandinu viðra þeir ólíkar hugmyndir sínar um frakkana sem dansarar Selmu Björnsdóttur klæddust þegar hún flutti lagið „All Out Of Luck“ árið 1999 í keppninni.

Myndbandið má sjá hér að neðan auk myndbands sem sýnir atriði Selmu í Eurovision árið 1999.

Herferðin miðar að því að hvetja karlmenn sérstaklega til að taka virkan þátt í jafnréttisbaráttunni og skrá sig sem mánaðarlega styrktaraðila UN Women. Með mánaðarlegu framlagi til UN Women er stutt við fræðslu í eþíópískum skólum sem miðar að því að stöðva þvinguð hjónabönd, eina athvarfið í Kambódíu fyrir konur sem lifað hafa af sýruárásir styrkt, stuðlað að uppsetningu fleiri ljósastaura við strætóskýli og almenningsklósett í Nýju Delí og þannig dregið úr ofbeldi gegn konum og stúlkum svo dæmi séu nefnd.

Herferðin stendur yfir  dagana 11. – 26. maí og hægt er að skrá sig á www.heforshe.is

Hér má svo sjá umrædda frakka. Já krakkar, svona dansaði fólk í alvöru á tíunda áratugnum.

Tengdar fréttir

Eurovision

Ísland tekur þátt í Eurovision 2025

• Söngvakeppnin haldin í Basel
• Segir Ísland líklegt til að vinna Eurovision 2025
• Loreen segir ekkert til í sögusögnum
• Kostnaðurinn 175 milljónir

» Fleiri tengdar fréttir

• Blogga um frétt