Demi Moore í miklu áfalli

Leikkonan Demi Moore er í miklu áfalli eftir að karlmaður á þrítugsaldri fannst látinn í sundlaug í garðinum hjá henni. Hún hefur gefið frá sér yfirlýsingu þar sem að hún vottar fjölskyldu og vinum mannsins samúð sína. 

Talið er að maðurinn, Valle, hafi verið hluti af starfsliði Moore og fallið í sundlaugina í partýi. Hann var búinn að vera týndur í 10 til 15 mínútur þegar að vinir hans fundu hann fljótandi í dýpri enda laugarinnar á sunnudagsmorgun.

Samkvæmt vefnum BBC mættu sjúkraliðar strax á staðinn en þá var maðurinn látinn.

Moore keypti einbýlishúsið þar sem slysið varð árið 2003 þegar hún var gift leikaranum Ashton Kutcher. Hún hefur búið ein í húsinu í Los Angeles ásamt dætrum sínum frá árinu 2011. Hvorki hún né dætur hennar voru heima er slysið bar að.

Frétt mbl.is - Fannst látinn í sundlaug Demi Moore 

• Blogga um frétt