30 kröfum í dánarbú Prince vísað frá
Setja bókamerki
Dómari í Minnesota í Bandaríkjunum hefur vísað frá málum 30 einstaklinga sem héldu því fram að þeir ættu kröfu í dánarbú tónlistarmannsins Prince. Hann fyrirskipaði hins vegar að sex skyldu gangast undir erfðapróf.
Þeir sem þurfa að heimila erfðapróf til að geta gert kröfu í búið eru Tyka Nelson, systir tónlistargoðsins, þrjú hálfsystkini; Sharon Nelson, Norrine Nelson og John Nelson, og Briana Nelson og Victoria Nelson, sem sagðar eru frænkur Prince.
Ekki liggur fyrir hvers vegna dómarinn fór ekki fram á erfðapróf vegna Omars Bakers né Alfreds Jacksons, sem sagðir voru hálfbræður Prince í skjölum þar sem farið var fram á að skiptaráðandi yrði skipaður fyrir dánarbúið.
Í úrskurði Eides kemur hins vegar fram að hann sé ekki meðvitaður um að uppi sé ágreiningur um að öll meint systkin eða hálfsystkin Prince eigi lögmæta kröfu í búið.
Tónlistarmaðurinn lést 21. apríl sl. af völdum ofskömmtunar. Hann átti engin börn á lífi né hafði hann gert erfðaskrá.
Erfðapróf hefur þegar leitt í ljós að fangi í Colorado, sem sagðist sonur Prince, er það ekki. Á meðal annarra sem höfðu gert kröfu í dánarbúið en dómarinn hafnaði voru fimm aðrir einstaklingar sem héldu því fram að þeir væru afkomendur Prince.
Þá voru einnig nokkrir sem byggðu kröfu sína á því að faðir Prince, John L. Nelson, væri í raun alls ekki faðir hans.
Ítarlega frétt má finna hjá Guardian.
„Höfum sloppið bærilega með skaða af þessu gosi“
Hópur fólks reyndi að komast að eldgosinu
Reiðubúin að aflýsa verkföllum í fjórum leikskólum
Vika í kosningar: Þetta segja kannanir
Hraun kemur úr þremur gígum: Virknin stöðug
Hentugt gos fyrst gýs á annað borð
Sjötti ferðamaðurinn er látinn
