Donald Trump, forseti Bandaríkjanna, hélt árlega stefnuræðu sínu í gær, þriðjudag. Það vakti athygli erlendra fjölmiðla að forsetafrúin braut áralanga hefð og kom ekki samferða eiginmanni sínum.
Melania Trump gekk inn í salinn ásamt gestum sem sátu í stúku með forsetafrúnni. Þetta uppátæki þótti óvenjulegt ekki síst eftir að forsetafrúin hætti skyndilega við ferð til Davos í Sviss með eiginmanni sínum í síðustu viku. People greinir frá því að í stað þess að fara til Davos hafi hún farið til Flórída.
Um miðjan mánuðinn birtust fréttir af því að Donald Trump hafi hitt klámmyndastjörnu á hótelherbergi skömmu eftir að Melania eignaðist son þeirra árið 2006.