Fréttir bárust af láti Glee-leikarans Mark Salling í byrjun vikunnar og er nú búið að upplýsa um dánarorsök leikarans. Grunur bandarískra fjölmiðla um að Salling hafi framið sjálfsmorð var réttur.
TMZ greinir frá því að Salling hafi kafnað eftir að hafa hengt sig. Áður hafði verið greint frá því að hann hafi fundist hangandi í tré.
Salling var að bíða eftir því að geta hafið afplánun en mun hafa verið einangraður og þunglyndur. Leikarinn var dæmdur fyrir vörslu barnakláms. Salling hafði áður reynt að taka sitt eigið líf.