Fyrrverandi leikarinn og ríkisstjóri Kaliforníu, Arnold Schwarzenegger, er nú á sjúkrahúsi í Los Angeles þar sem hann undirgekkst hjartaaðgerð að því er BBC greinir frá.
Ástand Schwarzeneggers, sem er sjötugur, er sagt vera stöðugt. Erfiðleikar eru hins vegar sagðir hafa komið upp er hann var í aðgerð á Cedars-Sinai-sjúkrahúsinu í gær.
Scwharzenegger hefur áður farið í hjartaaðgerð, en árið 1997 þegar hann var fimmtugur var gerð aðgerð á honum til að laga galla í hjartaloku.