Friðrik, krónprins af Danmörku, er staddur hér á landi og sást meðal annars til hans í miðbæ Reykjavíkur í gærkvöldi.
Veitingastaðurinn Snaps varð fyrir valinu hjá prinsinum og naut hann ýmissa veitinga í bakherbergi veitingastaðarins. Öryggisverðir voru með í för til að tryggja að prinsinn gæti látið fara vel um sig.
Friðrik verður fimmtugur í næsta mánuði og virðist hann vera að njóta síðustu daganna sem „fjörutíuogeitthvað“ í góðra vina hópi á Íslandi.
Það er nóg fram undan hjá prinsinum, en hann er meðal annars að undirbúa sig fyrir konunglegt hlaup sem fer fram í Kaupmannahöfn 21. maí í tilefni af fimmtugsafmælinu.