Katrín hertogaynja af Cambridge hefur verið lögð inn á fæðingardeild St Mary's sjúkrahússins í London. Hún á nú von á þriðja barni sínu og Vilhjálms Bretaprins.

Katrín átti eldri börnin sín þau Georg og Karlottu einnig á þessari sömu fæðingardeild.

Katrín tók sér frí frá konunglegum skyldum sínum 22. mars. Barnið sem nú er á leiðinni í  heiminn verður það sjötta í erfðaröðinni að bresku krúnunni og sjötta langömmubarn Elísabetar Englandsdrottningar.

Konungshöllin tilkynnti í október að Katrín og Vilhjálmur ættu von á sínu þriðja barni. Katrín er 35 ára gömul. 

Frétt BBC.

Verið aöð koma upp girðingum fyrir framan sjúkrahúsið í London þar sem þriðja barn Katrínar og Vilhjálms mun koma í heiminn. Von er á fjölmörgum fjölmiðlamönnum að fylgjast með fréttum af fæðingunni. AFP

Tengdar fréttir

Kóngafólk í fjölmiðlum

Lúðvík prins fagnar sex árum

• Í fyrstu heimsókn eftir krabbameinsgreiningu Katrínar
• Þráir að hitta barnabörnin sín
• Nýgift og eiga von á barni
• Karl opnar Balmoral-kastala og seldist upp strax

» Fleiri tengdar fréttir

• Blogga um frétt