Raunveruleikastjarnan Kim Kardashian eignaðist sitt þriðja barn í byrjun árs með eiginmanni sínum, Kanye West. Ólíkt eldri börnum hennar koma þriðja barnið í heiminn með hjálp staðgöngumóður en Kardashian er himinlifandi með þá ákvörðun.
Stjarnan viðurkenndi í sjónvarpsþætti á dögunum að hún væri til í að bæta einu barni við barnahópinn og sagðist virkilega hafa notið þess að eignast barn með hjálp staðgöngumóður.
Kardashian sem átti ekki kost á að ganga með barnið sjálf sagði það mikinn kost að þurfa ekki að gefa brjóst. „Ókei, þetta er besta ákvörðun sem ég hef tekið,“ segist Kardashian hafa hugsað með sér þegar hún fattaði að hún þyrfti ekki að gefa brjóst á nokkra tíma fresti.
Kardashian fagnaði að sjálfsögðu mæðradeginum í gær og birti mynd af sér með börnunum sínum þremur. Hún óskaði öllum mæðrum til hamingju en telur sig þó vera heppnustu móður í heimi.
A post shared by Kim Kardashian West (@kimkardashian) on May 13, 2018 at 2:35pm PDT