Davíð Þór Jónsson tónskáld hlaut í dag Norrænu kvikmyndatónskáldaverðlaunin 2019 fyrir tónlist sína í kvikmyndinni Kona fer í stríð. Verðlaunin voru afhent með viðhöfn í norrænu sendiráðunum í Berlín í dag, en þetta er í níunda sinn sem verðlaunin eru veitt. RÚV greindi fyrst frá þessu.
STEF tilnefndi Davíð til verðlaunanna, sem bera heitið Harpa, fyrir hönd Íslands, en þetta er í þriðja sinn á einungis fjórum árum sem íslenskt tónskáld hlýtur þessi verðlaun.
Daníel Bjarnason fékk verðlaunin fyrir tónlist sína í Undir trénu í fyrra og árið 2016 var það Atli Örvarsson sem hreppti hnossið, fyrir tónlistina í Hrútum.
Hér að neðan má sjá mynd sem sendiráð Íslands í Berlín tók af þeim Benedikt Erlingssyni leikstjóra og Davíð Þór við athöfnina í dag.
Harpa nordic Film Composers Award 2019 goes to .... Davíð Þór Jónsson and Benedikt Erlingsson for the Film Music in WOMAN AT WAR ! pic.twitter.com/cmBXrWe22a
— Island in Deutschland 🇮🇸 (@IcelandinBerlin) February 12, 2019