„Þetta er lagið sem allir í Evrópu tala um þessa stundina,“ segir einn þriggja álitsgjafa vefjarins Wiwibloggs, sem fjallar um Eurovision keppnina. Álitsgjafarnir eru mjög hrifnir af framlagi Íslands í keppninni í ár og telja að það geti náð langt.

„Þú annað hvort elskar það eða hatar það,“ bætir álitsgjafinn við í Youtube-myndskeiði þar sem fjallað er um Hatara.

Lagið sveiflist á milli góðs og ills eða eins og mennirnir segja „frá djöflinum að englinum“ þar sem engillinn er þá Klemens Hannigan, sem syngur háu tónana í laginu Hatrið mun sigra.

„Lagið greip mig við fyrstu hlustun,“ sagði annar álitsgjafinn. „Ég held að margir verði mjög hrifnir af laginu en ég er mjög hrifinn af því. Ég er hrifinn af öllu atriðinu, það er einstakt. Ísland hefur ekki tekið áhættu í mörg ár en gerir það núna.“

Álitsgjafarnir velta því upp hvort Hatari geti unnið Eurovision og telja að til þess muni liðsmenn Hatara þurfa að sýna „mjúku“ hliðarnar á sér í aðdraganda keppninnar.

„Ég tel að það sé möguleiki að Ísland gæti unnið Eurovision með þessu lagi. Auðvitað er ekkert hægt að fullyrða án þess að heyra öll lögin en miðað við lögin sem ég heyrt hingað til eru fá sem keppa við þetta,“ segir einn álitsgjafanna.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt