Rætist spá sérfræðingsins?
Setja bókamerki
Eurovision-sérfræðingurinn Reynir Þór Eggertsson, eða Júró-Reynir eins og hann hefur oft verið kallaður, er mjög bjartsýnn fyrir Íslands hönd vegna Eurovision-keppninnar sem fram fer í Ísrael í næsta mánuði. Ef spá Reynis rætist fer keppnin fram hér á landi á næsta ári.
Reynir birtir spá sína um hvaða lög lenda í efstu tíu sætunum á síðu þar sem aðdáendur geta spáð fyrir um röð laganna.
Hann birtir spána á Twitter-síðu sinni og spyr hversu oft hann muni skipta um skoðun á næstu 25 dögum. Undankeppnirnar í Tel Aviv fara fram 14. og 16. maí og sjálft úrslitakvöldið er laugardaginn 18. maí.
Reynir gerir ráð fyrir sigri Hatara og spáir því að Ítalir muni hafna í öðru sæti. Hollendingar, sem veðbankar telja langsigurstranglegasta, hafna í þriðja sæti hjá Reyni. Þar á eftir koma Aserbaídsjan, Pólland, Svíþjóð, Rússland, Sviss, San Marinó og Spánn hafnar í tíunda sæti, gangi spá Reynis eftir.
Reynir sagði í samtali við mbl.is áður en úrslit Söngvakeppninnar fóru fram hér á landi í byrjun mars að það væri langskynsamlegast fyrir okkur að senda Hatara út. „Mér finnst það flott lag, sérstaklega gerir viðlagið mikið fyrir lagið,“ sagði Reynir.
Hægt er að sjá spá Reynis hér.
Myndskeið: Braut rúðurnar og rölti svo í burtu
„Hvað ef það hefði verið lokuð heiði?“
Niðurstaða MDE kallar á breytingar
Segja yfir 50 þúsund hermenn fallna
Sat á þaki byggingarinnar þegar eldurinn kviknaði
„Þögnin er ærandi“
„Tíminn er runninn út fyrir Kristján Loftsson“
Benda á Samgöngustofu sem bendir út í heim