Jóhannes Haukur leikari kynnir stigin

Jóhannes Haukur kynnir stigin í Eurovision í ár.
Jóhannes Haukur kynnir stigin í Eurovision í ár. Eggert Jóhannesson

Jóhannes Haukur Jóhannesson leikari verður stigakynnir fyrir Íslands hönd í Eurovision í ár. 

Aðalkeppnin fer fram laugardaginn 18. maí og þar verður Jóhannes fyrir valinu sem fulltrúi Íslands, þ.e. sá sem les upp stigin sem Ísland veitir öðrum þjóðum í beinni útsendingu. 

„Þegar ég var beðinn um þetta sagði ég strax já,“ segir Jóhannes Haukur í samtali við RÚV.

„Ég geri mér grein fyrir að þarna dugar ekkert hálfkák og best að afgreiða þetta af öryggi og festu ásamt lipurð og sveigjanleika. Svo er þetta tækifæri til að gleðja börnin mín. Þeim mun eflaust þykja þetta töff. Ég vona það allavega,“ er jafnframt haft eftir Jóhannesi.

Jóhannes Haukur er meðal þekktustu leikara þjóðarinnar en hann hefur undanfarið tekist á við stór hlutverk bæði hérlendis og erlendis. Hann lék meðal annars aðalhlutverkin í Svartur á leik, Ég man þig, Hollywoodmyndinni Alpha, auk þess sem hann birtist heimsbyggðinni sem Lem Lemoncloac í Game of Thrones, segir í tilkynningu frá RÚV.

mbl.is
Fleira áhugavert

Stjörnuspá »

Hrútur

Sign icon Þú kannt að fá merkilegar upplýsingar sem gætu á endanum haft breytingar í för með sér. Gríptu til viðeigandi ráðstafana í tæka tíð.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler
Fleira áhugavert

Stjörnuspá »

Hrútur

Sign icon Þú kannt að fá merkilegar upplýsingar sem gætu á endanum haft breytingar í för með sér. Gríptu til viðeigandi ráðstafana í tæka tíð.
síðasta vika Vinsælustu hljóðbækurnar
1
Laila Brenden
2
Erla Sesselja Jensdóttir
3
Sigríður Dúa Goldsworthy
4
Lars Kepler