Rekinn fyrir sætaskipan Hatara
Setja bókamerki
Sniðgöngu á flugfélaginu El Al hefur verið hótað í kjölfar þess að starfsmaðurinn sem úthlutaði liðsmönnum Hatara lélegustu sætunum í flugvélinni á heimleiðinni frá Tel Aviv í Ísrael og deildi uppátækinu á samfélagsmiðlum var rekinn.
Þetta kemur fram á vef Times of Israel. „Svona verður komið fram við fulltrúa Íslands,“ skrifaði starfsmaður flugfélagsins á lokaðan hóp starfsmanna flugfélagsins á Facebook og deildi skjáskoti af sætaskipan liðsmanna Hatara.
Talið er að sætaskipanin hafi átt að vera hefnd fyrir gjörning Hatara í stigagjöf á lokakvöldi Eurovision, þar sem þeir veifuðu palestínskum borðum.
Andófsmenn Hatara höfðu fagnað uppátæki starfsmannsins og hóta því nú að sniðganga El Al-flugfélagið, ef marka má fréttaflutning Times of Israel.
Krefjast stöðvunar framkvæmda
Árshátíð ríkislögreglustjóra haldin í Tékklandi
„Umsátursástand“
„Það þarf að vinna mikinn fjölda upp“
Vélsleðaslys: Þyrlan kölluð út á mesta forgangi
Veiting hvalveiðileyfis ekki brot á EES-samningi